Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 54.23 | Dem. 54.25 (English) | >>Dem. 54.28 |
54.24λαβὲ δή μοι καὶ τοὺς νόμους , τόν τε τῆς ὕβρεως καὶ τὸν περὶ τῶν λωποδυτῶν · καὶ γὰρ τούτοις ἀμφοτέροις ἐνόχους τούτους ὄψεσθε . λέγε .καὶ μὴν εἰ παθεῖν τί μοι συνέβη , φόνου καὶ τῶν δεινοτάτων ἂν ἦν ὑπόδικος . τὸν γοῦν τῆς Βραυρωνόθεν ἱερείας πατέρʼ ὁμολογουμένως οὐχ ἁψάμενον τοῦ τελευτήσαντος , ὅτι τῷ πατάξαντι τύπτειν παρεκελεύσατο , ἐξέβαλεν ἡ βουλὴ ἡ ἐξ Ἀρείου πάγου , δικαίως · εἰ γὰρ οἱ παρόντες ἀντὶ τοῦ κωλύειν τοὺς ἢ διʼ οἶνον ἢ διʼ ὀργὴν ἤ τινʼ ἄλλην αἰτίαν ἐξαμαρτάνειν ἐπιχειροῦντας αὐτοὶ παροξυνοῦσιν , οὐδεμίʼ ἐστὶν ἐλπὶς σωτηρίας τῷ περιπίπτοντι τοῖς ἀσελγαίνουσιν , ἀλλʼ ἕως ἂν ἀπείπωσιν , ὑβρίζεσθαι ὑπάρξει · ὅπερ ἐμοὶ συνέβη .
ἃ τοίνυν , ὅθʼ ἡ δίαιτα ἐγίγνετο , ἐποίουν , βούλομαι πρὸς ὑμᾶς εἰπεῖν · καὶ γὰρ ἐκ τούτων τὴν ἀσέλγειαν θεάσεσθʼ αὐτῶν . ἐποίησαν μὲν γὰρ ἔξω μέσων νυκτῶν τὴν ὥραν , οὔτε τὰς μαρτυρίας ἀναγιγνώσκειν ἐθέλοντες οὔτʼ ἀντίγραφα διδόναι , τῶν τε παρόντων ἡμῖν καθʼ ἕνʼ οὑτωσὶ πρὸς τὸν λίθον ἄγοντες καὶ ἐξορκοῦντες , καὶ γράφοντες μαρτυρίας οὐδὲν πρὸς τὸ πρᾶγμα , ἀλλʼ ἐξ ἑταίρας εἶναι παιδίον αὐτῷ καὶ τοῦτο πεπονθέναι τὰ καὶ τά , ἃ μὰ τοὺς θεούς , ἄνδρες δικασταί , οὐδεὶς ὅστις οὐκ ἐπετίμα τῶν παρόντων καὶ ἐμίσει , τελευτῶντες δὲ καὶ αὐτοὶ οὗτοι ἑαυτούς .
Νόμοι
54.26
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 54.23 | Dem. 54.25 (English) | >>Dem. 54.28 |